İnfrastruktur

Ana səhifə

İnfrastruktur

"GəncOl" tarifində daha bir yenilik edilib

01 fevral 2016 12:04 (UTC +04:00)

Bakı - APA-Economics. "Azercell Telekom" hər kəs tərəfindən maraqla qarşılanan "GəncOL" tarif paketində daha bir yenilik edib.

Mobil operatordan "APA-Economics"ə verilən məlumata görə, 1 fevral 2016-cı il tarixindən etibarən "GəncOl" istifadəçiləri bu tarif paketi daxilində təqdim olunan internet həcmini bitirdikdən sonra yenilənməyən İnternet paketləri sifariş edə biləcəklər. Bunun üçün abunəçi sadəcə 2525-ə müvafiq acar sözü yazıb göndərməlidir.

İnternet paket	Açar sözü	Qiymət (ƏDV daxil)
50 MB	50x	1 AZN
500 MB	500x	3 AZN
1 GB	1000x	5 AZN
5 GB	5000x	10 AZN
10 GB	10000x	15 AZN
Limitsiz	Limitsizx	30 AZN

Qeyd edək ki, əlavə paketlərin istifadə müddəti 30 gündür və onlar yenilənmir. Bu müddət bitdikdə istifadə edilməmiş balans sıfırlanır. Abunəçi internet paketin balansını istifadə müddətindən tez bitirərsə, yenidən paket sifariş edə bilər. Yenilənməyən Aylıq İnternet paketlərindən imtina etmək üçün abunə 2525-ə “STOPX” göndərməlidir.

"Azercell"in sözügedən paketinə qoşulmaq üçün isə "SimSim" abunəçiləri G5 və ya G8 açar sözünü 7575-ə göndərməlidirlər. "GəncOl" tarif paketinə qoşulmaqla abunəçilər sərfəli tarifdən yararlana, müxtəlif endirimlər və kampaniyalardan faydalana bilər. Belə ki, ayda cəmi 5 manat ödəyib "GəncOl5" tarif paketinə qoşulmaqla hər kəs "GəncOl" abunəçiləri arasında hər ay 2GB İnternet, 200 dəq, 200 SMS-dən yararlanmaq imkanı qazanır. Bu paketin daha bir üstünlüyü isə ondan ibarətdir ki, aylıq paketdəki danışıq bitəndən sonra Gənc OL abunəçiləri öz aralarında cəmi 2 qəpiyə, digər abunələrlə olkədaxili 5 qəpiyə danışacaqlar. "GəncOl 8" paketi də abunəçilərə sərfəli danışıq təklif edir. Belə ki, bu tarifdə abunəçilər öz aralarında 4 GB Mobil İnternet, 400 dəq tarifdaxili və 400 SMS-dən istifadə etmək imkanı qazanır. Bundan əlavə bu tarifə qoşulan abunəçilər restoranlar, mağazalar, fitnes, Təhsil və Əyləncə mərkəzlərində 50%-ə qədər müxtəlif endirimlərdən yararlanmaq imkanı qazanırlar.