Bakı-APA. Yaponiya İrana qarşı sanksiyaların ləğv olunmasına dair qərar verib. APA-nın “RİA Novosti”yə istinadən verdiyi xəbərə görə, bunu Yaponiya XİN rəhbəri Fumio Kisida keçirdiyi mətbuat konfransında bəyan edib.
Sanksiyalar götürüldükdən sonra Yaponiya və İran sərmayələr haqqında sazişi imzalaya biləcəklər. Müvafiq razılaşma Fumio Kisidanın 2015-ci ilin oktyabrında Tehrana səfəri zamanı əldə olunub. Sazişin imzalanması Yaponiya şirkətlərinin İran bazarına çıxışını, bu ölkənin neft-qaz sahəsinə sərmayə yatırılmasının sürətləndirilməsini təmin edəcək. Hər iki ölkənin bankları filiallar açaraq, valyuta mübadiləsinə dair müqavilələr bağlamaq imkanı əldə edəcəklər.
Bundan başqa, Yaponiya Yaxın Şərqdə ən zəngin yataqlardan biri hesab edilən Azadegan neft yatağının (26 mlrd barrel neft ehtiyatlarının olduğu ehtimal edilir – red.) işlənməsində mövqeyini bərpa etməyə çalışacaq. Yaponiya 2010-cu ildə İrana qarşı sanksiyalar tətbiq edildikdən sonra bu layihəni tərk edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
