Bakı. Aqşin Rafiqoğlu - APA-Economics. Bu ilin mart ayı ərzində 2 mln. 604 min 212 ton Azərbaycan nefti Ceyhan limanından dünya bazarlarına çıxarılıb.
"APA-Economics" SOCAR-ın açıqladığı statistik göstəricilərə istinadən xəbər verir ki, bu, ötən ilin mart ayı ilə müqayisədə 27,8% çoxdur.
Bu həcmin 1 mln. 697 min 723 tonunu Azərbaycan Dövlət Neft Fondunun nefti təşkil edib.
Bu ilin yanvar-mart aylarında Ceyhan limanından ixrac olunmuş neftin həcmi 7 mln. 838 min 445 ton təşkil edib ki, bu da 2015-ci ilin 3 ayı ilə müqayisədə 14,29% çoxdur.
Ümumiyyətlə, Bakı-Tbilisi-Ceyhan kəməri istismara verilən gündən 2016-cı il aprel ayının 1-ə qədər Ceyhan limanından 299 mln. 032 min 217 ton Azərbaycan nefti dünya bazarlarına yola salınıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
