Bakı. Şəhriyar Əlizadə - APA. Koreya Respublikasının “Daewoo International Corporation” şirkətinin Azərbaycan nümayəndəliyinin “Evrobank” ASC-yə qarşı şikayəti əsasında məhkəmə başa çatıb.
APA-nın məlumatına görə, Bakı Apellyasiya Məhkəməsində şirkətin şikayətinə baxılıb. Məhkəmə şikayəti təmin etməyib.
Qeyd edək ki, şirkət borcun və dəymiş zərərin ödənilməsi barədə iddia tələbi ilə 1 saylı Bakı İnzibati-İqtisad Məhkəməsinə müraciət edib. Lakin məhkəmə iddianın təmin olunmaması barədə qətnamə çıxarıb. Bundan sonra şirkət məhkəmə qərarından apellyasiya şikayəti verib.