Namizədin seçki qərargahından APA-ya verilən məlumata görə, 46 saylı Şirvan Seçki Dairəsindən deputatlığa namizəd R. Cəbrayılov növbəti görüşünü M. Ə. Rəsulzadə küçəsinin sakinləri ilə keçirib. Havanın yağışlı olmasına baxmayaraq, sakinlər görüşə böyük həvəslə gəliblər.
Öncə namizəd böyüyüb boya-başa çatdığı Şirvan sakinləri ilə görüşündən məmnunluğunu bildirib, bütün seçiciləri öz seçici hüququndan istifadə edərək seçkidə iştirak etməyə və layiqli namizədə səs verməyə dəvət edib. R. Cəbrayılova əsasən sovet dövründə tikilən binaların dam örtüyünün yararsızlığı və binaların əsaslı təmiri ilə əlaqədar müraciətlər olunub. O bildirib ki, bu məsələ onun da diqqət mərkəzindədir və platformasında əksini tapıb: “Mənə etimad göstərdiyiniz halda, deputatat səlahiyyətlərim çərçivəsində həmin məsələlərin həllində köməklik göstərəcəyəm”.
Səmimiyyət və diskussiya şəraitində keçən görüşün sonunda bütün sakinlər Rafael Cəbrayılova seçki kampaniyasında uğurlar arzulayıblar və 1 noyabr tarixində ona dəstək olacaqlarını bildiriblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
