Moskva. Fərid Əkbərov - APA. "Rusiyada yetkinlik yaşına çatmayan uşaqlar arasında intiharların sayı kəskin artıb. Onların sayı dünyadakı göstəricilərdən üç dəfə çoxdur".
APA-nın Moskva müxbirinin verdiyi məlumata görə, bunu Rusiya İstintaq Komitəsinin xüsusi nümayəndəsi Vladimir Markin bildirib.
"Təkcə bu il ərzində 350 uşaq intihar edərək həyatına son qoyub. Bu statistikaya intihara cəhdlər aid deyil. 2015-ci ildə isə Rusiyada 460-dən çox uşaq intiharı qeydə alınıb. Bu, dünya üzrə göstəricidən üç dəfə çoxdur. Ən dəhşətlisi isə odur ki, bu gün sosial şəbəkələrdə uşaqları intihara səsləyən xüsusi qruplar mövcuddur", - deyə o qeyd edib.
V. Markinin sözlərinə görə, intihar edən uşaqlar normal və sadə ailələrin övladlarıdır: "Bunlar atılmış uşaqlar deyil. Bu uşaqlar sabah sağlam cəmiyyətin sıralarını genişləndirməli idilər. Ona görə də, Rusiya İstintaq Komitəsi Cinayət Məcəlləsinə yeniyetmələr arasında intiharın təşviqinin məsuliyyət daşımasını ehtiva edən maddə əlavə olunmasını vacib hesab edir. Komitə yeniyetmələr arasında intiharın təşviqinə görə 7 ilə qədər həbs cəzasının tətbiqini təklif edir".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
