APA-nın qərb bürosunun verdiyi məlumata görə, magistral yolun Göygöl rayonu Hacıməlik kəndi ərazisindən keçən hissəsində rayon sakini Əli Süleymanov idarə etdiyi “Toyota Prado” markalı avtomobillə yolu keçmək istəyən 1977-ci il təvəllüdlü Elçin Məmmədovu vurub. Ağır xəsarət alan şəxs dərhal Gəncə şəhər Təcili Tibbi Yardım xəstəxanasına yerləşdirilib. Onun vəziyyətinin orta-ağır olduğu bildirilir.
Faktla bağlı Baş Dövlət Yol Polisi İdarəsində araşdırma aparılır.