Bakı. Şəhriyar Əlizadə - APA. Bakıda saxta əskinasların hazırlanması faktı qeydə alınıb.
APA-nın DİN-in saytına istinadən verdiyi məlumata görə, Sabunçu rayon 13-cü Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Vüsal Cəlilovdan 39 ədəd saxta 20 manatlıq əskinas götürülüb. Onun Nizami rayonu ərazisində kirayədə yaşadığı mənzilə baxış zamanı 1 ədəd “HP” markalı rəngli printer aşkar edilİb.
Faktla bağlı araşdırma aparılır.