Bakı. Yeganə Laçınzadə - APA-Economics. Azərbaycandan Macarıstana təhsil almağa gedən tələbələrin sayı artıb.
“APA-Economcis” xəbər verir ki, bunu iqtisadiyyat naziri Şahin Mustafayev deyib.
Onun sözlərinə görə, 2015-ci ildə 50-yə yaxın tələbə təhsil almaq üçün Macarıstana gedib. “Bu il isə Macarıstanda təhsil üçün 200 yer ayrılıb. 600-ə yaxın tələbə isə Macarıstanda təhsil almaq üçün müraciət edib. Bu tələbələrin 200-ü orada təhsil almaq imkanı əldə edəcək”, - deyə Ş. Mustafayev qeyd edib.
Nazir əlavə edib ki, təhsil haqqı Macarıstan hökuməti tərəfindən ödənilir: “Bununla da Azərbaycan tələbələri üçün əlavə imkanlar yaranır”.