Gəncə. Azər Məmmədli – APA. Gəncədə sürücünün xəsarət alması ilə nəticələnən yol-nəqliyyat hadisəsi baş verib.
APA-nın qərb bürosunun verdiyi məlumata görə, şəhərin Nizami küçəsində “VAZ2104” və “Rang Rover” markalı avtomobillər toqquşub. Nəticədə “VAZ”ın sürücüsü, 1993-cü il təvəllüdlü Əli Şəmsiyev xəsarət alaraq Gəncə şəhər Təcili Tibbi Yardım xəstəxanasına yerləşdirilib. Ona tibbi yardım göstərilib, vəziyyətinin normal olduğu bildirilir.
Faktla bağlı Gəncə şəhər Baş Polis İdarəsində araşdırma aparılır.