Bakı. Şəhriyar Əlizadə - APA. Bakıda avtobusdan oğurluq edən şəxs saxlanılıb.
APA-nın DİN-in saytına istinadən verdiyi məlumata görə, fevralın 25-də paytaxtın Nizami rayonunun Q.Qarayev prospektində naməlum şəxs Bakı şəhər sakini Tarıyel Rəhimovun idarə etdiyi “Daewoo” markalı 64 saylı xətt avtobusundan açıq talama yolu ilə 45 manat aparıb.
Nizami rayon 24-cü PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Abşeron rayon sakini, əvvəllər məhkum olunmuş Teymur Teymurov tutulub.
Faktla bağlı araşdırma aparılır.