Bakı. Cavid Zeynallı – APA. Dini Qurumlarla İş üzrə Dövlət Komitəsində Bakı Beynəlxalq Multikulturalizm Mərkəzinin "Qış məktəbi"nin tələbələri ilə görüş keçirilib.
APA-nın məlumatına görə, komitənin sədri Mübariz Qurbanlı bildirib ki, görüşdə müxtəlif ölkələrdən nümayəndələr, tələbələr və elm xadimləri iştirak edir: “Əminəm ki, onlar Azərbaycan haqqında kifayət qədər məlumat əldə ediblər. Sevinirəm ki, iştirakçılar Azərbaycan haqqında məlumatla artıq əyani olaraq tanış olurlar. Multikulturalizm Mərkəzinə təşəkkür edirəm ki, bu cür məktəb təşkil edib. Dünyada multikulturalizmin alternativi yoxdur”.
M. Qurbanlı əlavə edib ki, dünyanın 30 ölkəsində milli və etnik zəmində münaqişələrdə insanlar ölür: “On beş il ərzində bu müharibələrdə ölənlərin sayı 2,5 milyona çatıb. Bu münaqişələr zamanı ən azı 50 milyon insan yaşadığı yerdən qaçmağa məcbur olub. Ermənistanın Azərbaycana qarşı apardığı müharibə nəticəsində 1 milyon Azərbaycan vətəndaşı yurd-yuvasından didərgin düşüb. BMT 10 aparıcı problem müəyyənləşdirib. Bunların həlli üçün bəşəriyyətin dil tapması və onu həll etməsi lazımdır. Bunu həll etməyin yolu dinlərarası dialoq və multikulturalizmdir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
