Azərbaycan gömrük orqanlarının əməkdaşları 610 qram qızıl-zinət əşyaları aşkar ediblər.
Dövlət Gömrük Komitəsinin (DGK) Mətbuat Xidmətindən "APA-Economics"ə verilən məlumata görə, Xaçmaz Gömrük İdarəsinin “Xanoba” gömrük postunda Azərbaycan istiqamətindən Rusiya istiqamətinə gedən Rusiya vətəndaşının üzərində şəxsi yoxlama aparılıb.
Aparılan yoxlama zamanı onun üzərindən - əynindəki gödəkcənin ciblərindən gömrük nəzarəti zamanı bəyan edilməmiş 610 qram qızıl-zinət əşyaları aşkar edilib.
Faktla bağlı araşdırma aparılır.