Suriyanın paytaxtı Dəməşqdə minaatanlardan açılan atəş nəticəsində 9 nəfər ölüb.
APA-nın xəbərinə görə, bu barədə SANA agentliyi paytaxt polisinə istinadən məlumat verib.
Məlumata əsasən, Dəməşqin Bab Tum rayonunda mərmilərdən biri avtobus dayanacağında partlayıb. Nəticədə 9 nəfər ölüb, 21 nəfər yaralanıb. Yaralılar xəstəxanalara yerləşdirilib. Onlardan bəzilərinin vəziyyəti ağır qiymətləndirilir.