Bakı. Musa Əhmədov – APA-Economics. Türkiyənin ən böyük banklarından olan “Ziraat Bankası” 2015-ci ilin II yarısı ilə bağlı planlarını açıqlayıb.
“APA-Economics”in xəbərinə götə, “Ziraat Bankası”nın baş direktoru Hüseyin Aydın bununla bağlı açıqlama yayıb.
H.Aydın açıqlamasında “Ziraat Bankası”nın Azərbaycandakı fəaliyyətinə də toxunub. O bildirib ki, Azərbaycanda bank qurmaq istiqamətində işlər tamamlanıb və bank fəaliyyətə başlayıb.
“Azərbaycanda daşınmaz əmlaka ortaq investisiya yatırmaqda iştirak istiqamətində fəaliyyətimiz davam edir”, -deyə H. Aydın vurğulayıb.
Xatırladaq ki, “Ziraat Bankası”nın Türkiyədə 1734, 17 ölkədə 87 xidmət nöqtələri fəaliyyət göstərir.