Dünən axşam Parisdə bıçaqla insanlara hücum çəkən şəxs Çeçenistan əsilli 20 yaşlı gənc olub.
APA-nın məlumatına görə, bu barədə "Europe1" radiosu polisdəki mənbəyə istinadən məlumat yayıb.
Qeyd edək ki, mayın 12-də axşam saatlarında Parisin 2-ci dairəsində naməlum şəxs bıçaqla yoldan keçənlərə hücum edib. İnsident nəticəsində 1 nəfər ölüb, 4 nəfər isə yaralanıb. Həmin şəxs polis tərəfindən zərərsizləşdirilib.
İŞİD terror aktına görə məsuliyyəti öz üzərinə götürüb.