Bakı. Məlahət Nəcəfova - APA. Mali silahlı qüvvələrinin Sevar şəhərində həyata keçirdiyi əməliyyat nəticəsində silahlıların “Biblos” otelində girov götürdükləri 4 nəfər azad edilib.
APA-nın TASS-a istinadən verdiyi məlumata görə, bu barədə Mali ordusunun nümayəndəsi Diaran Kone açıqlama verib.
Əməliyyat Mali xüsusi xidmət orqanları əməkdaşları tərəfindən fransız hərbçilərinin dəstəyi ilə həyata keçirilib.
Xatırladaq ki, 7 avqust tarixində silahlı dəstə Malidə Sevar şəhərində “Biblos” otelinə hücum edərək bir neçə xarici vətəndaşı girov götürüb. Hadisə nəticəsində silahlılar 5-i Mali ordusunun əsgəri və biri BMT-nin Malidəki sülhməramlı missiyasının (MINUSMA) üzvü olmaqla, 6 nəfəri öldürüblər. Öz növbəsində xüsusi təyinatlılar silahlı dəstənin üç üzvünü zərərsizləşdirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
