Azərbaycan Milli Elmlər Akademiyasının (AMEA) Mərkəzi Elmi Kitabxanasında "Azərbaycanda muğam elmi: reallıqlar və perspektivlər" mövzusunda elmi simpozium keçirilir.
APA-nın xəbərinə görə, simpoziumda Fransa, Kanada, Hollandiya, Serbiya, Macarıstan, Türkiyə, İran və Özbəkistandan dəvət olunmuş qonaqlar iştirak edib.
Tədbirdə çıxış edən AMEA-nın prezidenti Akif Əlizadə muğam festivalının əhəmiyyətindən danışaraq, bu tədbirin Azərbaycanın mədəni həyatında əlamətdar hadisə olduğunu deyib. O, muğamın islam coğrafiyasındakı xalqların milli-mənəvi dəyərlərinin, tarixi əlaqələrin qorunmasında mühüm rol oynadığını söyləyib.
Mədəniyyət və turizm naziri Əbülfəs Qarayev isə çıxışında festivalın Azərbaycanda artıq böyük ənənəyə çevrildiyini bildirib. Nazir muğam sənətinin formalaşması mərhələsindən danışaraq, muğam sənətinə göstərilən dövlət qayğısının böyük olduğunu vurğulayıb. O, muğam həftəsində bir çox maraqlı tədbirlər keçiriləcəyini nəzərə çatdırıb.
Sonra Türkdilli ölkələrin musiqi qrupları Şurasının üzvü Quzel Sayfullina, Qazaxıstan Milli İncəsənət Akademiyasının prorektoru Qulnar Beqalinova, Özbəkistan Dövlət Konservatoriyasının professoru Ravşan Yunusov və digər qonaqlar çıxış ediblər.
Qeyd edək ki, simpozium çərçivəsində martın 9-da AMEA-nın Gəncə bölməsində də tədbir keçiriləcək. Simpozium işini martın 10-da yekunlaşdıracaq.
"Azərbaycanda muğam elmi: reallıqlar və perspektivlər" mövzusunda elmi simpozium keçirilir
07 mart 2018 09:03 (UTC +04:00)
İncəsənət
Azərbaycanlı rəssam Cahid Camala həsr olunmuş bədii albomun təqdimatı keçirilib - FOTO - VİDEO
10:00
4 may 2024
Fidan Hacıyevanın I Beynəlxalq Opera Festivalı çərçivəsində Gəncə Dövlət Filarmoniyasinda konserti olub - FOTO
22:38
3 may 2024
“Urbanda görüşərik” layihəsi çərçivəsində Məhəmməd Füzuli yad edilib - FOTO
23:41
2 may 2024
"Gəncədən Bakıya" layihəsi çərçivəsində növbəti konsert keçirilib
15:10
1 may 2024