Asiya

Ana səhifə

Asiya

Həsən Ruhani prezidentliyə namizədliyini rəsmən təsdiqlədib

14 aprel 2017 16:06 (UTC +04:00)

İranın hazırkı prezidenti Həsən Ruhani ölkədə keçiriləcək prezident seçkilərində iştirak etmək üçün namizədliyini təsdiqlədib.

APA-nın “İran” agentliyinə istinadən verdiyi məlumata görə, namizədlərin qeydiyyatı aprelin 10-da Xarici İşlər Nazirliyindəki qərargahda aparılır. Qeydiyyat 5 gün davam edəcək. Aprelin 16-da isə Konstitusiya Nəzarət Şurası qeydə alınmış namizədlərin sənədlərinə baxacaq və namizədlərin yekun siyahısı aprelin 26-27-də Daxili İşlər Nazirliyi tərəfindən elan olunacaq.

İranda 12-ci prezident seçkiləri mayın 19-u keçiriləcək. Həmin gün həmçinin şəhər və kənd şuralarına seçkilər, həmçinin bəzi seçki dairələrində parlament seçkiləri baş tutacaq.