Bakı-APA. Bu gün milli komandaların FİFA reytinqi açıqlanıb. Apasport.az saytının məlumatına görə, bu siyahıda dünyanın 209 yığması yer alıb.
Sonuncu dəfə iyulun 9-da açıqlanan cədvəllə müqayisədə bəzi dəyişikliklər baş verib. Bu da hesabat dövründə az sayda da olsa, qarşılaşmaların keçirilməsi ilə bağlıdır.
Dəyişikliklər Azərbaycan millisinə də təsir edib. Son 4 həftədə meydana çıxmayan komandamızın xal hesabı dəyişməsə də, yığmamız irəliləyib. Belə ki, 302 xala malik milli 2 pillə yüksələrək, 106-cı yerə sahib çıxıb.
Millimiz və “qonşuları”
101 (103). Kanada - 323
102 (96). Niger - 312
103 (105). Makedoniya - 311
104 (111). Syerra-Leone - 304
105 (107). Antiqua və Barbuda – 303
106 (108). AZƏRBAYCAN – 302
107 (110). Litva - 301
108 (105). Qvatemala – 299
108 (112). Zimbabve - 299
110 (88). Salvador – 289
111 (114). Namibiya - 284
FİFA reytinqinin ilk “onluğ”unda da dəyişikliklər diqqət çəkir. Son dünya çempionu və növbəti mudnialın seçmə mərhələsində Azərbaycan yığmasına rəqib olan Almaniya 2-ci pilləni də əldən verib. Bundestimi bu mövqedən Belçika sıxışdırıb. Hollandiya isə ümumiyyətlə 10 ən yaxşı arasındakı yerini itirib.
İlk “onluq”
1 (1). Argentina – 1425
2 (3). Belçika – 1244
3 (2). Almaniya – 1226
4 (4). Kolumbiya – 1218
5 (6). Braziliya – 1186
6 (7). Portuqaliya – 1177
7 (8). Rumıniya - 1166
8 (9). İngiltərə - 1157
9 (10). Uels - 1155
10 (11). Çili – 1124
Millimizin AVRO-2016-nın seçmə mərhələsindəki 5 rəqibindən hamısının mövqeyi dəyişib. Xorvatiya və İtaliya hərəyə 1 pillə irəliləyibsə, Norveç, Bolqarıstan və Malta hərəyə 1 addım geriləyib.
AVRO-2016-nın seçmə mərhələsinin H qrupu
13 (14). Xorvatiya – 1023
16 (17). İtaliya – 1001
68 (67). Norveç - 495
69 (68). Bolqarıstan - 489
159 (158). Malta – 157
Püşkü ötən ay atılan DÇ-2018-in seçmə mərhələsindəki rəqiblərimiz arasında isə irəliləyən olmayıb. Almaniya, Norveç və Şimali İrlandiya geriləyibsə, Çexiya ilə San-Marino mövqeyini qoruyub.
DÇ-2018-in seçmə mərhələsi, Avropa zonası üzrə C qrupu
3 (2). Almaniya – 1226
20 (20). Çexiya - 933
40 (37). Şimali İrlandiya - 721
68 (67). Norveç - 495
192 (192). San-Marino - 40
Qeyd edək ki, qonşu Türkiyə yığması siyahıda hesabında olan 627 xalla 3 pillə irəliləyib. “Ay-ulduzlular” bugünkü cədvəldə 45-cidir.