İstanbulun “Reina” gecə klubunda baş verən terror hadisəsi ilə əlaqədar saxlanılanların sayı 14-ə çatıb.
APA-nın “Habertürk”ə istinadən verdiyi məlumata görə, bu barədə İstanbul Terrorla mübarizə idarəsi təmsilçiləri bildirib.
Məlumatda qeyd olunub ki, hadisə ilə bağlı 8 nəfərin ifadəsi alınarkən daha 4 nəfər saxlanılıb.
Bildirilib ki, hadisəni törədən şəxsin görüntüləri KİV-də yayılandan sonra hüquq-mühafizə orqanlarına yeni məlumatlar daxil olur.