Bakı. Vüsal Nəbiyev - APA-Economics. Bu ilin may ayı üzrə Azərbaycan banklarına yatırılan depozit və əmanətlər üzrə orta faiz dərəcələri açıqlanıb.
Mərkəzi Bankdan “APA-Economics”ə verilən məlumata görə, banklarda manatla yerləşdirilən depozit və əmanətlərin may ayı üzrə orta faiz dərəcəsi 8,81% təşkil edib. Həmin ayda xarici valyutada yerləşdirilən depozit və əmanətlər üzrə orta faiz dərəcəsi 8,38% olub.
Cari ilin aprel ayında banklarda manat və xarici valyutada yerləşdirilən əmanət və depozitlər üzrə orta faiz dərəcəsi müvafiq olaraq 8,82% və 8,31% olub. Statistikadan göründüyü kimi, mayda manatla yerləşdirilən depozitlərin orta faiz dərəcəsində 0,01%-lik azalma müşahidə olur. Xarici valyuta banklarda yerləşdirilən depozit və əmanətlərin orta faiz dərəcəsi isə 0,07% artıb.
Qeyd edək ki, mayda hüquqi şəxslər tərəfindən manat və xarici valyutada yerləşdirdiyi depozit və əmanətlərin orta faiz dərəcəsi müvafiq olaraq 5,95% və 4,03%, fiziki şəxslər - 9,66% və 9,50%-dir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
