Bakı-APA. İŞİD qruplaşmanın cəlladı “Cihadi Con”un öldüyünü təsdiqləyib. APA-nın “Frans Press”ə istinadən verdiyi xəbərə görə, qruplaşma terrorçunun Suriyada hava zərbəsi nəticəsində öldüyünü bildirib.
Pentaqon onun öldürüldüyünü ötən ilin noyabrında açıqlamışdı.
Qeyd edək ki, Vestminster Universitetinin məzunu olan 1988-ci il təvəllüdlü britaniyalı “Cihadi Con”un əsl adı Məhəmməd Emvazidir.
O, ilk dəfə 2014-cü ildə amerikalı jurnalist Ceyms Foulini edam etdikdən sonra məşhurlaşıb.