Asiya

Ana səhifə

Asiya

İŞİD Suriyanın Türkiyə ilə sərhədindəki Kobani şəhərini ələ keçirib - FOTOSESSİYA - VİDEO

İŞİD Suriyanın Türkiyə ilə sərhədindəki Kobani şəhərini ələ keçirib - <span style="color: red;">FOTOSESSİYA - <span style="color: red;">VİDEO

06 oktyabr 2014 15:25 (UTC +04:00)

Bakı - APA. “İraq Şam İslam Dövləti”nə (İŞİD) məxsus silahlılar Suriyanın Türkiyə ilə sərhədində yerləşən Kobani şəhərini ələ keçirib.

APA-nın Türkiyə mətbuatına istinadən xəbərinə görə, Suriya kürdlərinin Demokratik Birlik Partiyasının (PYD) hərbi qanadı olan YPG-nin nəzarətindəki şəhər İŞİD-in iyirmi gündür davam edən hücumlarına davam gətirə bilməyib.

Qurban bayramının ilk günündən Kobani uğrunda YPG ilə küçə döyüşlərinə başlayan İŞİD bu gün şəhərdə öz bayrağını qaldırıb. Artıq Kobanidə atılan mərmilər Türkiyə ərazisinə düşməyə başlayıb və ilkin məlumatlara görə, dörd nəfər yaralanıb.

Türkiyə hökuməti İŞİD təhlükəsinə qarşı təhlükəsizlik tədbirlərini gücləndirib. Kobani ilə sərhəddəki üç məhəllə və suriyalı qaçqınların yaşadığı çadır şəhərciyi Şanlıurfa valiliyinin qərarı ilə boşaldılıb. Türkiyə Quru Qoşunlarının komandanı, ordu generalı Hulusi Akar müdafiə tədbirlərinə rəhbərlik etmək üçün Şanlıurfaya gedib. Sərhəddəki strateji yüksəkliklərə çoxlu sayda tank çıxarılıb və onların lülələri Suriya sərhədinə doğru çevrilib.