Quba. Vəli Turan - APA. İlin sonuna kimi Azərbaycan əhalisi 100% rəqəmsal televiziya siqnalı ilə əhatələnəcək.
APA-nın şimal bürosunun məlumatına görə, bunu Rabitə və Yüksək Texnologiyalar naziri Əli Abbasov deyib.
Onun sözlərinə görə, hazırda Azərbaycan üzrə rəqəmsal televiziya proqramlarına çıxış təxminən 95-96%-dir: “Bizim məqsədimiz vətəndaşların müasir rəqəmli televiziyaya çıxışını təmin etməkdir. Bu da bizim proqrama əsasən ilin sonuna kimi həyata keçiriləcək. Əgər biz buna nail ola bilsək onda Azərbaycan 2015-ci il yanvar ayının 1-dən artıq Avropada analoq efiri ilə vidalaşan 15-20 inkişaf etmiş ölkədən biri olacaq”.