Bakı - APA-Economics. “Unibank”ın bankomatları müştərilərin istəyinə uyğunlaşdırılıb.
Bankdan “APA-Economics”ə verilən məlumata görə, müştəri bankomatlardan istədiyi məbləği, müxtəlif əskinaslarda çıxara bilər.
Kartınızı bankomata daxil edib, lazım olan məbləği sifariş edən zaman, bankomatın löhvəsində sizdən məbləği yalnız iri əskinaslarda, yoxsa qarışıq əskinaslar formasında istədiyiniz soruşulur.
Müştərinin seçimdən asılı olaraq, “Unibank” bankomatlarından sorğu edilən məbləğ, mümkün böyük nominallardan olmaqla, minimal sayda əskinaslardan, yaxud qarışıq nominallardan ibarət əskinaslarla çıxır.
Hazırda bank paytaxt və ölkənin bir çox regionlarında 80-ə yaxın bankomatı ilə müştərilərin xidmətindədir. “Unibank” bankomatları çox geniş xidmət imkanlarına malikdir. Ölkə bankları içərisində, ilk dəfə “Unibank” bankomatları ilə banka kredit müraciəti etmək və kredit ödənişi xidməti yaradılıb.
Bankomatlarda SMS bankçılıq xidmətinə qoşulmaqla yanaşı, kommunal ödənişləri həyata keçirmək, “card to card” və beynəlxalq kart köçürmələri həyata keçirmək mümkündür. Müştəri istəyərsə, bankın bankomatlarında öz debet kartının PİN kodunu, heç bir xidmət haqqı ödəmədən dəyişə bilər.
“Cash by code” xidməti isə bankomatlardan kart olmadan da, pul çıxarmağı mümkün edib. “Unibank” plastik kartlarında tətbiq olunan “Cash by Code” xidməti asan, tez, rahat, təhlükəsiz şəkildə və 7/24 prinsipi ilə fəaliyyət göstərir. Bu xidmət nəticəsində bankın müştərisi öz kartındakı pul vəsaitlərini bankomat vasitəsi ilə köçürür və bank kartı olmayan şəxs həmin vəsaiti bankomatdan çıxara bilir. Müştəri bankomatda “Cash by Code” xidmətini seçərək məbləği və pulu alan şəxsin mobil nömrəsini daxil edir və bankomatdan şifrənin birinci hissəsi əks olunmuş qəbz çap edilir. Vəsaiti alacaq şəxsə SMS vasitəsilə şifrənin ikinci hissəsi göndərilir. Müştəri kod qəbzdəki şifrə və SMS vasitəsilə göndərilən şifrələri ardıcıllıqla daxil edir və vəsaiti çıxarır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
