Bakı. Fuad Cəfərov - APA. Beş gün öncə Bakıda qətl hadisəsi tərədən şəxs tutulub. Xətai Rayon Polis İdarəsindən APA-ya verilən məlumata görə, Firudin Cəfərovu qətlə yetirib hadisə yerindən qaçmış Rauf Bağırov saxlanılıb.
Qeyd edək ki, hadisə rayonun Məhəmməd Hadi küçəsi-21 ünvanında qeydə alınıb. 1991-ci il təvəllüdlü Suraxanı rayon sakini F. Cəfərov naməlum şəxs və ya şəxslər tərəfindən bıçaqlanaraq qətlə yetirilib.