Bakı. Vahab Rzayev – APA-Economics. Aprelin 25-də Amerika fond bazarında Dow Jones indeksi 0,2% - 14 701 bəndədək, S&P 500 0,4% - 1 585 bəndədək, Nasdaq 0,6% - 3 290 bəndədək yüksəlib. «APA-Economics»in məlumatına görə, ABŞ fond bazarında indekslərin yüksəlməsinə əmək bazarı barədə müsbət statistika təsir edib.
Avropa fond bazarlarında aprelin 25-də FTSE 100 indeksi 0,2% - 6 443 bəndədək, Almaniya DAX-ı 1,0% - 7 833 bəndədək yüksəlib, Fransa CAC-40-ı 0,1% - 3 841 bəndədək enib.
COMEX-də qızılın bir unsiyasının qiyməti 0,9% artaraq 1 475,7 dollara bərabər olub.
Dünya bazarında avronun dollara qarşı məzənnəsi 1,3033 (+0,2%) dollar təşkil edir.