Maliyyə

Ana səhifə

Maliyyə

“Parabank”ın “Yasamal” filialı yeni ünvana köçüb

04 iyul 2012 13:00 (UTC +04:00)

Bakı – APA-Economics. Azərbaycanın “Parabank” ASC-nin Şərifzadə küçəsi-41 ünvanında yerləşən “Yasamal” filialı yeni ünvana köçüb.
Bankdan “APA-Economics”ə verilən məlumata görə, filial fəaliyyətini Hüseyn Cavid pr., 556/557 küçəsində davam etdirir.

Filialın yerinin dəyişdirilməsinə əsas səbəb müştərilərin rahatlığının təmin edilməsidir. Bankın yeni ofisi iş günləri 09:00-dan 18:00-dək, şənbə günləri isə saat 10:00-dan 16:00-dək müştərilərə xidmət göstərir.

“Parabank”ın digər filialları kimi, “Yasamal” filialı da fiziki və hüquqi şəxslərə geniş çeşiddə maliyyə xidmətləri - hesablaşma-kassa xidmətləri, sərfəli şərtlərlə depozitlərin cəlb edilməsi, istehlak, o cümlədən avtokreditlər, biznes və s. kreditlərinin verilməsi, VISA plastik kartları (kod 9), mobil rabitə operatorlarının xidmətlərinin ödənilməsi, “Western Union”, “PrivatMoney”, CMT (Caspian Money Transfer), “Bıstraya Poçta”, “Blizko”, “Zolotaya Korona”, “Contact”, “CoinStar” təcili pulköçürmələri üzrə geniş bank xidmətləri təqdim edir.

Bununla yanaşı, filialda yerləşən ATM 24 saat ərzində nağd pulun çıxarılması, kommunal, mobil rabitə xidmətlərinin ödənişini təmin edir.

Qeyd edək ki, “Parabank” 30 iyul 2007-ci ildən Əmanətlərin Sığortalanması Fondunun üzvüdür.