Şamaxıda torpaq sürüşməsi daha 15 evi qəzalı vəziyyətə salıb
21 aprel 2012 15:50 (UTC +04:00)
APA-nın məlumatına görə, rayonun sürüşməyə meylli ərazilərindən olan Sağyan kəndində artıq 15 ev qəzalı vəziyyətə düşərək uçmaq təhlükəsi ilə üzləşib. Kənd sakinlərinin APA-ya verdiyi məlumata görə, yaşayış məntəqəsinin aşağı hissəsindən başlayan sürüşmə evlərə ciddi ziyan vurub: «Bəzi evlərdə böyük çatlar əmələ gəlib. Sakinlər evlərin uçmaması üçün dirəklərdən istifadə edirlər».
Kəndlilər gecə evlərində yata bilmədiklərini, qohum və ya qonşuların evində qaldıqlarını bildirirlər. Sürüşməyə məruz qalan torpaq sahələrində 2-2,5 metr enində çatlar və çökmələr əmələ gəlib. Ümumilikdə, rayonun 21 kəndində torpaq sürüşməsi sahələri mövcuddur. Bunun nəticəsində 373 ev qəzalı vəziyyətə düşüb.
Kəndlilər gecə evlərində yata bilmədiklərini, qohum və ya qonşuların evində qaldıqlarını bildirirlər. Sürüşməyə məruz qalan torpaq sahələrində 2-2,5 metr enində çatlar və çökmələr əmələ gəlib. Ümumilikdə, rayonun 21 kəndində torpaq sürüşməsi sahələri mövcuddur. Bunun nəticəsində 373 ev qəzalı vəziyyətə düşüb.