Müsavat Partiyası Nigar Yaqublunun həbsi ilə bağlı bəyanat yayıb
12 sentyabr 2012 12:34 (UTC +04:00)
Bakı. Pərin Abbasov – APA. Müsavat Partiyası Nigar Yaqublunun barəsində iki aylıq həbs-qətimkan tədbirinin seçilməsi ilə bağlı bəyanat yayıb. Partiyadan APA-ya daxil olan bəyanatda bildirilib ki, Daxili İşlər Nazirliyinin 25 avqust 2012-ci ildə Bakı-Şamaxı yolunda baş vermiş hadisə ilə bağlı sentyabrın 11-də yaydığı məlumatdakı bir sıra məqamlar həqiqətə uyğun deyil: “İstintaq orqanı hərtərəfli araşdırma və təhqiqat aparmadan avtomobil qəzasının törədilməsində Müsavat Partiyasının üzvü Nigar Yaqublunu günahkar sayır. Dünən Abşeron Rayon Məhkəməsi Azərbaycan məhkəmə praktikasında çox nadir hallarda rast gəlinən bir qərar çıxarıb – Nigar Yaqublu haqqında iki aylıq həbs-qətimkan tədbiri seçilib. Bu, təkcə humanizm prinsiplərinə zidd qərar deyil, həm də az ağır cinayətlər törədildikdə həbs-qətimkan tədbirinin seçilməsi praktikasının məhdudlaşdırılması barədə Azərbaycan Respublikası Ali Məhkəməsi Plenumunun Avropa Konvensiyasına uyğun qəbul etdiyi qərarına da ziddir”.
Müsavat Partiyası hesab edir ki, N. Yaqublu həbsə alınmadan da hadisə ilə bağlı istintaq hərəkətləri aparmaq olar: “Bu istintaqın obyektiv, qərəzsiz və ədalətli aparılacağı təqdirdə şübhəsiz, onun təqsirsizliyi sübut olunacaq”.
Müsavat Partiyası əmin olduğunu bildirir ki, Abşeron Rayon Məhkəməsinin yanlış qərarının dəyişdirilməsi, gənc qızın dərhal azadlığa buraxılması yönündə təxirəsalınmaz və təsirli tədbirlər görüləcək.
Müsavat Partiyası hesab edir ki, N. Yaqublu həbsə alınmadan da hadisə ilə bağlı istintaq hərəkətləri aparmaq olar: “Bu istintaqın obyektiv, qərəzsiz və ədalətli aparılacağı təqdirdə şübhəsiz, onun təqsirsizliyi sübut olunacaq”.
Müsavat Partiyası əmin olduğunu bildirir ki, Abşeron Rayon Məhkəməsinin yanlış qərarının dəyişdirilməsi, gənc qızın dərhal azadlığa buraxılması yönündə təxirəsalınmaz və təsirli tədbirlər görüləcək.
Daxili siyasət
Əfv Komissiyasının iclasları başa çatıb, 700-dən çox müraciətə baxılıb
17:55
22 may 2024
Parlamentin növbəti iclasının gündəliyi açıqlanıb - YENİLƏNİB
15:14
21 may 2024
Siyavuş Novruzov: Fəvvarələr meydanında camaatın gəzdiyi yerdə foto çəkdirirlər, mitinq kimi təqdim edirlər
12:19
21 may 2024
Milli Məclisin növbədənkənar sessiyası çağırılacaq
12:16
21 may 2024