Sosial

Ana səhifə

Sosial

Dövlət Baytarlıq Xidməti: İrandan Azərbaycana brusellyoz xəstəliyinin keçmə riski sıfıra bərabərdir

03 iyul 2012 10:23 (UTC +04:00)

Bakı. Sevil Zeynalqızı - APA. “Azərbaycan İrandan qoyun quyruğu, bir günlük cücə və yun idxal edir. Həmin ölkədən ət və süd məhsulları gətirilmir. Ona görə də İrandan Azərbaycana brusellyoz xəstəliyinin keçmə riski demək olar ki, sıfıra bərabərdir”. Bu sözləri APA-ya açıqlamasında Dövlət Baytarlıq Xidmətinin (DBX) mətbuat xidmətinin rəhbəri Yolçu Xanvəli deyib. O bildirib ki, ümumiyyətlə, Azərbaycana idxal edilən məhsullar Respublika Baytarlıq Laboratoriyasında bakterioloji, virusoloji, toksikoloji və digər istiqamətlərdə müayinələrdən keçirilir: “Onların keyfiyyətləri qoyulan standartlara uyğundursa, satışına icazə verilir. Əks halda isə həmin məhsulun ölkəyə buraxılmasına və satışına qadağa qoyulur”.

Qeyd edək ki, İran mətbuatının yazdığına əsasən bu ölkədə 12 min nəfər brusellyoz xəstəliyinə yoluxub, lakin qeyri-rəsmi statistikaya görə, onların sayı daha çoxdur.