Bakı. Aynur Əliyeva – APA-Economics. Fevralın 25-28-də Daşkənddə (Özbəkistan) «UzBuild-2014» XV beynəlxalq tikinti sərgisi keçiriləcək. Dövlət Şəhərsalma və Arxitektura Komitəsindən «APA-Economics»ə verilən məlumata görə, tədbirlə bağlı sərginin əsas təşkilatçısı olan «ITE Uzbekistan» beynəlxalq sərgi şirkəti Komitəyə müraciət edib.
Bundan başqa, həmin tarixlərdə III «Aqua-Therm Tashkent» sərgisi də keçiriləcək. Bu sərgi kondisiyalaşdırma, iqlim avadanlığı və su təminatı bazarının bütün əsas sektorlarını əhatə edir.
Bu sahədə marağı olan və sərgidə iştirak etmək istəyən şəxslər www.uzbuild.uz və www.aquatherm-tashkent.uz internet saytlarından daha ətraflı məlumat əldə edə bilərlər.
Qeyd edək ki, 2013-cü ildə keçirilən eyni adlı sərgidə 24 ölkədən 151 şirkət iştirak edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
