Sabirabad. Əlibəy Zeynallı - APA. Sabirabad rayonunda bədbəxt hadisə baş verib.
APA-nın yerli bürosunun xəbərinə görə, hadisə ötən axşam rayonun Dadaşbəyli kəndində qeydə alınıb.
Kənd sakini, 1964-cü il təvəllüdlü Vəliyev Xanqulu Ağəli oğlu vanna otağında elektrik cərəyanı vurması nəticəsində dünyasını dəyişib.
Meyit müayinə olunmaq üçün bu gün Şirvan şəhər məhkəmə-tibbi ekspertizasına aparılıb.
Məlumata görə, mərhum bacısı oğlunun bu gün keçiriləcək toyuna getmək üçün hazırlaşırmış.
Faktla bağlı Sabirabad rayon Prokurorluğunda araşdırma aparılır.