Bakı. Vahab Rzayev – APA-Economics. Sentyabrın 10-da Amerika fond bazarında Dow Jones indeksi 0,9% - 15 191 bəndədək, S&P 500 0,7% - 1 684 bəndədək, Nasdaq 0,6% - 3 729 bəndədək yüksəlib. «APA-Economics»in məlumatına görə, ABŞ fond bazarında indekslərin yüksəlməsi Çində sənaye istehsalının illik müqayisədə 10,4% artması və Suriya ilə bağlı gərginliyin müəyyən dərəcədə azalması fonunda baş verib.
Avropa fond bazarlarında sentyabrın 10-da FTSE 100 indeksi 0,8% - 6 584 bəndədək, Almaniya DAX-ı 2,1% - 8 447 bəndədək, Fransa CAC-40-ı isə 1,9% - 4 117 bəndədək yüksəlib.
COMEX-də qızılın bir unsiyasının qiyməti 1 363,2 dollar bərabər olub.
Dünya bazarında avronun dollara qarşı məzənnəsi 1,3254 dollar təşkil edir.