Bakı. Aynur Əliyeva – APA-Economics. Bakı-Qazax-Gürcüstan sərhədi avtomobil yolunun Hacıqabul-Kürdəmir hissəsində (120-ci km-dən başlayaraq) hazırda tikinti işləri aparılır. Ümumi uzunluğu 80 km təşkil edən mövcud yol ikinci texniki dərəcəli olub. Hazırda isə birinci texniki dərəcəyə uyğun dördzolaqlı yol tikilir. Bunu «APA-Economics»ə Nəqliyyat Nazirliyinin «Azeryolservis» ASC-nin mətbuat xidmətinin rəhbəri Pünhan Mürsəliyev bildirib.
Onun sözlərinə görə, layihə üzrə 5 yol qovşağı, 1 körpü, təxminən 160-a yaxın müxtəlif diametrli borular, eləcə də 15 ədəd alt (heyvanlar üçün nəzərdə tutulan körpü) keçidi olacaq.
«Artıq suötürücü boruların, alt keçidlərin tikintisi başa çatdırılıb. Torpaq işlərinin isə 95%-i, asfalt işlərinin isə 65%-i yerinə yetirilib. Yolun körpü hissəsində işlər başa çatıb. Hazırda yanaşma yolları üzərində iş gedir», - deyə P.Mürsəliyev əlavə edib.
P.Mürsəliyev qeyd edib ki, Hacıqabul-Kürdəmir yolunda genişlənmə işlərinin bu il ərzində yekunlaşması nəzərdə tutulub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
