Bakı. Etibar Məmmədov – APA. Bu gün Azərbaycan Demokratik Cümhuriyyətinin qurucularından olan Məhəmməd Əmin Rəsulzadənin anadan olmasının 130 illik yubileyi ilə əlaqədar Milli Şuranın üzvləri Rəsulzadənin Novxanı kəndindəki abidəsini ziyarət edib.
APA-nın məlumatına görə, mitinqdə Milli Şuranın sədri Cəmil Həsənli, AXCP-nin sədri Əli Kərimli, KXCP-nin sədri Mirmahmud Mirəlioğlu çıxış edərək Rəsulzadənin həyatı, siyasi mübarizəsi haqqında fikirlərini bildiriblər.
Rəsulzadənin Novxanı kəndindəki qəbiristanlıqda dəfn olunan ailə üzvlərinin məzarları da ziyarət olunub.