Bakı. Rəşad Süleymanov - APA. Müdafiə sənayesi naziri Yavər Camalov Cənubi Afrika Respublikasının (CAR) Azərbaycandakı səfiri Vika Xumalo ilə görüşüb. Bu barədə APA-ya Müdafiə Sənayesi Nazirliyinin mətbuat xidmətindən məlumat verilib.
Nazir Yavər Camalov səfirə Müdafiə Sənayesi Nazirliyinin fəaliyyəti ilə bağlı məlumat verib.
Görüşdə iki ölkə arasında müdafiə sənayesi üzrə mövcud olan hərbi-texniki əməkdaşlığın perspektivləri müzakirə edilib.