Bakı-APA. İndoneziyada, Yava adasının şərq hissəsində baş vermiş yol qəzası nəticəsində ən azı 18 nəfər ölüb. APA-nın “RİA Novosti”yə istinadən verdiyi məlumata görə, bu barədə “Jakarta Globe” qəzeti xəbər yayıb.
Şərqi Yava vilayəti polisinin rəsmi nümayəndəsi Avi Setyono bildirib ki, pikap 3 avtomobili ötməyə çalışarkən əks istiqamətdə hərəkət edən TİR-lə toqquşub. Onun sözlərinə görə, pikapda 30 nəfər olub.
Ölənlərin arasında iki azyaşlı uşağın olduğu bildirilir.