Bakı. Real Cəfərli - APA. İran-Ermənistan əlaqələrinin genişlənməsinə etiraz edən azərbaycanlı fəallar Davud Əzimzadə və Bəhmən Xaliqini ümumilikdə üç il azadlıqdan məhrum edilib.
APA-nın “Oyannews”a istinadən verdiyi məlumata görə, Marağa İnqilab Məhkəməsinin birinci şöbəsi D.Əzimzadəyə ölkənin milli təhlükəsizliyini pozmağı qarşısına məqsəd qoyan qanunsuz qruplara üzv olmaq ittihamı ilə biri ili 5 il müddətinə təxirə salınmaqla 2 il həbs, B.Xaliqiyə isə eyni ittihamlarla 6 ayı 5 il müddətinə təxirə salınmaqla 6 ay həbs cəzası verib. Azərbaycanlı fəalları vəkil Cəfər Əfşarniya müdafiə edib.
Qeyd edək ki, D.Əzimzadə 2012-ci il dekabrın 27-də Marağa şəhərində İranın Şərqi Azərbaycan vilayətinin təcavüzkar Ermənistanla əlaqələrini genişləndirməsinə etiraz olaraq keçirilmiş aksiyada iştirak etdiyi üçün həbs olunub. Həbs müddətinin yarısını İran İnformasiya, Təhlükəsizlik və Kəşfiyyat Nazirliyinin (
“İşıq” kitab mağazasının sahibi olan B.Xaliqi isə ETTELAAT əməkdaşları tərəfindən yanvarın 13-də Binab şəhərindəki mənzilində tutulub. Evdə yoxlama aparılıb, azərbaycanlı fəala məxsus kompüter və Azərbaycan dilində nəşr etdiyi kitablar götürülüb. B.Xaliqi də 2012-ci il dekabrın 27-də İranın Şərqi Azərbaycan vilayəti ilə Ermənistan arasında əlaqələrin genişlənməsinə etiraz olaraq Marağanın “Müsəlla” meydanında keçirilmiş aksiyada iştirak etdiyinə görə həbs olunub. Azərbaycanlı fəal bu il fevralın 20-də günorta saatlarında sərbəst buraxılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
