Bakı. Viktoriya Dementyeva – APA. BMT-nin və Kimyəvi Silahların Qadağan Olunması üzrə Təşkilatın birgə missiyasının əlaqələndiricisi Siqrid Kaaq Rusiyaya səfər edəcək. APA-nın xəbərinə görə, BMT-nin mətbuat katibi Martin Nesirki bildirib ki, S. Kaaq noyabrın 1-də Moskvaya gedərək Suriyanın kimyəvi silahlarının məhvi ilə bağlı müzakirə aparacaq. Gələn həftə isə o, missiyanın işi barədə Təhlükəsizlik Şurasına hesabat verəcək.
Qeyd edək ki, S. Kaaq oktyabrın 16-da bu vəzifəyə təyin olunub. Onun ofisi Kiprdə yerləşəcək.