Qazax rayon Polis Şöbəsindən APA-nın qərb bürosuna verilən məlumata görə, hadisə Qazax şəhərində baş verib.
Rayon sakini, 36 yaşlı Asif Dilbozovla dostu və həmyaşıdı olan İbrahim Nəbiyev arasında mübahisə yaranıb. Nəticədə A.Dilbozov əldə etdiyi silahla İ.Nəbiyevə bir necə dəfə atəş açıb. Daha sonra İ.Nəbiyev kəsici alətlə A.Dilbozova xəsarət yetirib. Hadisə zamanı güllə yarası alan İ.Nəbiyev Qazax rayon Mərkəzi Xəstəxanasına, A.Dilbozov isə Ağstafa Mərkəzi Rayon Xəstəxanasına yerləşdirilib. Onların vəziyyətinin orta ağır olduğu bildirilir.
Faktla bağlı Qazax rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
