Bakı. Vahab Rzayev – APA-Economics. Azərbaycanın «Amrahbank» ASC-nın 2013-cü ilin yanvar-noyabr ayları üzrə mənfəəti ötən ilin müvafiq dövrü ilə müqayisədə 2 dəfə artaraq 5,1 mln. manat təşkil edib. «APA-Economics»in xəbər verdiyi kimi, bu barədə Bankın məlumatında deyilir.
Qeyd edək ki, 1993-cü ildə təsis edilmiş «Amrahbank» həm fərdi, həm də korporativ müştərilərə bütün bank xidmət və məhsulları, o cümlədən cari və depozit hesabları, hesablaşma-kassa və plastik kartlarla əməliyyatlar, yerli və beynəlxalq pul köçürmələri, istehlak və biznes kreditləri, sənədli əməliyyatlar, ticarətin maliyyələşdirilməsi və digər bank xidmətləri təqdim edir.
Bəhreyn Beynəlxalq İnvestisiya Bankı 2008-ci ildən «Amrahbank»ın strateji səhmdarıdır. Hazırda bankın 20 filialı və 2 şöbəsi fəaliyyət göstərir. Bankın filiallar şəbəkəsi paytaxtla yanaşı Sumqayıt, Lənkəran, Tovuz, Şəmkir, Biləsuvar, Bərdə, Gəncə, Masallı kimi regionları da əhatə edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
