Bakı. Vahab Rzayev – APA-Economics. Qiymətli Kağızlar üzrə Dövlət Komitəsi tərəfindən Azərbaycan İpoteka Fondunun təmin edilmiş faizli adlı sənədsiz istiqrazlarının yeni emissiya prospekti qeydə alınıb.
Bakı Fond Birjasından «APA-Economics»ə verilən məlumata görə, emissiyanın həcmi 40 mln. manat təşkil edir.
İstiqrazların tədavül müddəti 3 600 gün, istiqrazlar üzrə illik gəlirlik 3%, faizlərin ödəniş dövrünün müddəti 180 gündür.