Bakı. Ramil Məmmədli – APA. Azərbaycan Milli Elmlər Akademiyasının (AMEA) N.Tusi adına Şamaxı Astrofizika Rəsədxanasının yaradılmasının 60 illiyinə həsr olunan beynəlxalq konfrans keçiriləcək.
APA-nın rəsədxananın rəsmi internet saytına istinadən verdiyi məlumatına görə, oktyabrın 3-də və 6-da Şamaxı şəhərində keçiriləcək konfransa MDB-nin böyük rəsədxanalarının rəhbərləri ilə yanaşı, bir sıra tanınmış alimlər də iştirak edəcək.
Konfransda rəsədxanada 60 il ərzində aparılan elmi-tədqiqat işləri - günəş fizikası, günəş-yer əlaqələri, ulduzlar fizikası və günəş sistemi cisimləri barədə məruzələr ediləcək. Müasir astronomiyanın aktual problemləri də konfransda müzakirə mövzusu olacaq.