Bakı – APA. Rusiya Federasiyasının xalq artistləri Valentin Qaft və Olqa Ostroumova Bakıya gələcəklər. Azərbaycan Dövlət Musiqili Teatrının mətbuat xidmətindən APA-ya verilən məlumata görə, 17-18 oktyabr tarixlərinə planlaşdırılan səfərin məqsədi yaradıcı cütlüyün yaradıcılıq gecəsinin keçirilməsidir.
Azərbaycan Dövlət Musiqili Teatrının səhnəsində keçiriləcək gecədə, seyrçiləri həcv və mahnılar, tanınmış aktyorların şəxsi həyatlarından hekayələr və yaradıcılıq planları barədə maraqlı söhbətlər gözləyir.