Zaqatala. Vüqar Heydərov-APA. Zaqatalada 31 yaşlı kişini ilan sancıb.
Zaqatala Rayon Mərkəzi Xəstəxanasından (RMX) APA-nın Şəki-Zaqatala bürosuna verilən məlumata görə, iyunun 4-ü səhər saatlarında rayonun Lahıc kənd sakini, 1985-ci il təvəllüdlü Məmmədəli Həsən oğlu Məmmədov ilan sancması xəsarəti ilə xəstəxanaya daxil olub. Həkim müayinəsi zamanı məlum olub ki, 31 yaşlı M. Məmmədov yaşadığı evin həyətyanı sahəsində işləyərkən ilan onun sol qolunun bilək nahiyəsindən sancıb. Xəstəxananın travmatologiya şöbəsinə yerləşdirilən M. Məmmədova lazımi tibbi yardım göstərilib, ilan zəhərinə qarşı zərdab vurulub.
M. Məmmədovun vəziyyətinin orta-stabil olduğu bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
