Bakı. Əli Əhmədov – APA-Economics. Bu ilin I rübündə Azərbaycanda dövlət büdcəsinə vergi orqanlarının xətti ilə 1 523,4 mln. manat həcmində vəsait daxil olub. «APA-Economics»in məlumatına görə, bunu vergilər nazirinin müavini Sahir Məmmədxanov bildirib.
Onun sözlərinə görə, ötən ilin I rübü ilə müqayisədə büdcəyə daxil olan vəsaitin həcmi 133 mln. manat və ya 9,6% artıb.
Bu ilin I rübündə qeyri-neft sektoru üzrə büdcə proqnozu 102,5% icra edilərək, dövlət büdcəsində bu sahədən 839,2 mln. manat vəsait toplanıb. Bu da ötən ilin müvafiq dövrü ilə müqayisədə 47,5 mln. manat və ya 6% çoxdur.