Bakı. Yeganə Laçınzadə - APA-Economics. Bu gün Azərbaycan Dövlət Neft Fondunun (ARDNF) İcraçı direktoru Şahmar Mövsümov ilə Böyük Britaniya Baş nazirinin ticarət üzrə elçisi baronessa Emma Nikolson arasında görüş keçirilib. Bu barədə “APA-Economics”ə ARDNF-dən bildirilib.
Görüş zamanı ölkədə makroiqtisadi vəziyyət, hökumət tərəfindən həyata keçirilən islahatlar, Azərbaycan ilə Böyük Britaniya arasında əməkdaşlığın perspektivləri və digər məsələlər ətrafında müzakirələr aparılıb.