Bakı-APA. Tallində polis hökumətin iqamətgahı yerləşən binanı partlatmaqla hədələyən şəxsi saxlanıb. APA-nın RİA “Novosti”yə istinadən verdiyi xəbərə görə, binada partladıcı qurğu olması barədə zəng daxil olan kimi, Hökumət Evinə polis və sapyorlar cəlb olunub. Dövlət qulluqçuları Hökumət Evindən təxliyə edilib, aparılmış axtarışlar nəticəsində binada partladıcı qurğu aşkarlanmayıb. Hadisə zamanı ölkənin baş naziri binada olmayıb.
Partladıcı qurğu barədə yanlış xəbər vermiş şəxs zəngdən 45 dəqiqə sonra müəyyən edilərək həbs olunub.
Estoniya Cinayət Məcəlləsi bu cinayətə görə cərimə və ya 5 ilədək həbs cəzası nəzərdə tutur.